علامات الإعراب الأصلية والفرعية ..تبسيط ممتاز

علامات الإعراب الأصلية والفرعية ..تبسيط ممتاز

علامات الإعراب الأصلية والفرعية ..تبسيط ممتازعلامات الإعراب الأصلية والفرعية ..تبسيط ممتازعلامات الإعراب الأصلية والفرعية ..تبسيط ممتازعلامات الإعراب الأصلية والفرعية ..تبسيط ممتاز

السلام عليكم يا أحلى أعضاء ..


أسطورة كلنا مؤمنين بيها .. هى إن العربى ده من أصعب لغات العالم .. والنحو ده معقد أكتر من اللوغاريتمات اللى كنا بناخدها فى الجبر زمان ..
دى إشاعات مغرضة بس والله ..
النحو ده عامل زى اللعبة وممتع جــــــــــــدا .. بس احنا نأسسه كويس ومش هانتعب فيه خالص ..

ونبدأ مع بعض هنا إن شاء الله بعلامات الإعراب ..
بس الأول نعرف إيه هى حالات الإسم المعرب علشان نقدر نضع له العلامة المناسبة له ..
الإسم فى اللغة العربية إما مبنى ( وده مش موضوعنا .. هايكون فى درس آخر إن شاء الله ) ..
وإما معرب .. والمعرب له أربع حالات هى { الرفع _ النصب _ الجر _ الجزم } ..
والحالة دى بتتغير حسب موقع الكلمة فى الجملة ..
وكل حالة من دول ليها علامة معينة توضع على الكلمة تسمى علامة الإعراب ..
وعلامات الإعراب نوعين ... { أصلية _ فرعية } ..

أولا == علامات الإعراب الأصلية ..
ـــــــــــــــــــــــــــــــــــــــــــــــ
هى عبارة عن الحركات اللى أخدناها قبل كدة فى أول درس { الضمة _ الفتحة _ الكسرة _ السكون } ..
** فى حالة الرفع ـــــــــــــ نضع على آخر الكلمة ضمة ..
** فى حالة النصب ـــــــــــ نضع على آخر الكلمة فتحة ..
** فى حالة الجر ــــــــــــــ نضع على آخر الكلمة كسرة ..
** فى حالة الجزم ـــــــــــــ نضع على آخر الكلمة سكون ..

لكن فيه كلمات لا تلتزم بعلامات الإعراب دى وبيكون لها علامات إعراب خاصة { علامات الإعراب الفرعية } ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ثانيا == علامات الإعراب الفرعية ..
ــــــــــــــــــــــــــــــــــــــــــــــــ
علامات الإعراب الفرعية هى عبارة عن حروف المد اللى درسناها فى الدرس الثالث { الألف _ الواو _ الياء } ..
وبتاخد علامات الإعراب دى أسماء معينة فى حالات معينة .. هى ..

** جمع المذكر السالم ـــــــــ يرفع بالواو وينصب ويجر بالياء ..
ـــــ مثلا جمع كلمة مدرس .. يأتى فى حالة الرفع ( مدرسون ) _ وفى حالتى النصب والجر ( مدرسين ) ..

** المثنى ـــــــــــــــــ يرفع بالألف و ينصب يجر بالياء ..
ــــ فمثنى كلمة مدرس .. يأتى فى حالة الرفع ( مدرسان ) _ وفى حالتى النصب والجر ( مدرسَيْن ) ..

** الأسماء الخمسة .. هى ( أب _ أخ _ حم _ فو _ ذو ) ــــــــــــــ والأسماء دى بتاخد العلامات الفرعية الثلاثة .. ترفع بالواو _ تنصب بالألف _ تجر بالياء ..
يعنى نراها فى حالة الرفع ( أبوك ) ..
وفى حالة النصب ( أباك ) ..
وفى حالة الجر ( أبيك ) ..

أنا كدة خلصت .. لكن لسة سؤال .. امتى نستخدم كل علامة من العلامات دى ؟؟
زى ما قلنا هاتتغير مع تغيير موقع الكلمة فى الجملة ..
وهانيجى لكل موقع فى وقته وفى درس لوحده إن شاء الله ...